شهرام شیدایی دونیاسینی دئییشدی

[elyad musəvi]

شهرام شیدایی آذربایجانلی شاعیر و چئویرمن وفات ائله دی



ایسنا خبرگزاری سینین خبرینه گؤره 42 یاشلی بو شاعیر کانسئر خسته لیینه گؤره دوشنبه _ آذر آیینین 22 سی_ گونو "خوشجا قال" دئدی یاشماما.
شهرام شیدایی نئچه آیلار بوندان اؤنجه دن کانسئر خسته لییینه گؤره شیمی درمانی اولوردو .

1346 جی ایلین دوغوملوسو اولان شهرام شیدایی، چوکا چکادین ایشبیرلیی ایله صالح عطایی نین "بلکه داها دئیه نمدیم / شعر" توپلوسونو فارسجایا چئویرمیش دی.
بو شاعیرین بیر نئچه تورکجه شعرینی سؤزون سؤزو سیته سینین فوروموندا اوخویا بیله رسیز.
شهرام شیدایی/ شعرلر (http://www.sozunsozu.com/forum/showthread.php?p=50721#post50721)

[elyad musəvi]

كئچميشين دَليك‌دئشيكلي گؤزلري ‌ايله
شهرام شیدایی

http://www.sozunsozu.com/forum/attachment.php?attachmentid=189&stc=1&d=915160237






یقین منی دانیشیق‌سیز فیكیرلر یوْلا سالاجاق
یوْرولماق ، فیكیرلرده دانیشماقدان یوْرولماق
نئجه داها هئچ‌نه‌یی آختارماق اوْلمور
نئجه تئز چاتماق قورتارماق ‌ایمیش
و بونو دوشونمك اوچون بیزیم گنج گؤزلریمیزده كیفایت یوْخوموش
نئجه آنلامادیق آزماق بو ساحه‌ده آزالماق ‌ایمیش
و ایته‌نی هئچ‌كیم آختارمایاجاقمیش

باشینی دووارا چیرپان
سوزولن ، دیزلرینی قوجاقلیان
یقین خبری ائشیدیب
سیگارینی آلیشدیریر و بونو بیلمه‌ییر
دَیرسیز ایللرین دَیرسیز باخیشلارین توستوسونده بوْغولماق
باشقالارینی ‌‌دا ایتیرمك‌‌دیر .

نئجه بینؤره‌‌‌لری قازاندا بیلمه‌دیك بو ائولر هئچ‌‌بیری بیزیم اوْلمایاجاق
اوشاقلاریمیزین اوشاقلارینین ‌‌دا حتتا
نئجه اوْ ایللرده اوْ قوْجا كیشی قوش كیمی قوْندو اوْتوردو آرامیزدا
و آتالاردان سؤز آچدی ، آتالاریمیزین آتلاریندان اوْبالاریندان
و سؤزلر اوْ قده‌ر یاخین‌ ایدی و دیری
كی هئچ‌كیم دئمه‌دی بونلار بایاتدیر .
نئجه اوْغورلادیلار دیلیمیزی فیكیرلریمیزی
و دَییشدیلر زور ایله آدلاریمیزی .

باخماق كئچمیشه‌ ده باخماق گوج ایسته‌‌ییر
آما بورادا هئچ‌كیم اؤز سؤزلرینه ییه‌دورماییر
منه یازماق ییه‌دورماقدیر ، اَلدن چیخانلارا یوْخ
اَله گلمه‌‌ینلره یوْخ
ییه‌دورماق اؤز گؤزلریمه یئریمه‌گیمه باخماغیما .

بیر اوْتاغدا نه‌لر اوْلا بیله‌ر ؟
بیز كؤهنه دووارلارا اَل سورته‌ـ سورته گلیب چاتمیشیق بورایا
و بویات سؤزلردن بویات آداملاردان
اوزولوب اؤزلوگوموزده بیر اؤز آرامیشیق
اشیانی منیمسه‌‌مه‌میشیك آد قوْیمامیشیق هئچ‌نه‌یه
و بونلار بیر اوْتاغین
باشلانغیجی اوْلوب بیر آداما
و ایندی اوْ آدام بورادا
اوْ اوْتاقدا
دانیشیق‌سیز فیكیرلره قیمت وئریر .

دانیشیق‌سیز فیكیرلر / ییه‌دوراجاق منه

[Seid xisroshah]

Nur içində yatsın!