tuna

[hurulər]

هاوا چوخ ايستيدي ياين شئديرقيلي گونو باشي دئليردي چيبنلرده كندينن اورتا ميدانيدا ويراژ وئريرديلر بيرساريشين اوغلان كوله پشتي داليندا كنده گيردي بير آز چوخ شيكيدي بودا كنديدن مايزلي كوچه لرينده گوزه چيرپيردي اوغلان كندين ميندانيندا كولگه لنن قوجالارا ال قالخيزدي يورلمياسيز عمي كروانسارا هانسي طرفده دي ؟ قوجالاراوتانا اوتانا بير بيرينين اوزونه باخديلار سونرا باشلارين آشاغ سالديلار سونرا هامسي بيردن باشلارين يوخاري قالخيزديلار هامسي بير دن دئديلر كاروانسارايي نئله يرسن اوغلان دئدي عمي من سورگونم مني دوولت بوريا گوندريب بيردن قوجالارين نئچه سي قاباغا گليب دئديلر بس سن دوولت آداميسان ؟اوغلان گولومسيلندي دئدي يوخ دئيرلر من دوولتين ضدينه يم قوجالارنئچه آدليم دالا آتديلارسوچون ندير؟ دئدي من آزادليقي فرقيلي يونتاريرام دئديلر آلاه خيروي آير يئردن وئرسن سنين باشين آغيرير. اوغلان كندين ميدانينن اورتاسيندا سئويد آغاجينين آلتيندا اوتوردو .ميداندا بيريسي دام سووارماقا پاليچيق ايسلاتدميشدي اوشاقلار او قدر اونون اوستونده آتيليب دوشموشددولر پالچيق يئتيشميشدي اوشاقلار اوغلاني دووره له ديلراوغلان ال آتدي كوله سيندن بير دفتر بير قلم چيخارتدي اوشاقلارين بيرينين رسمين چكدي اوشاق او زامانا چاغ هچ اوزون گورمه ميشدي تونا اونو دفتريندن قوپاريب اوشاقا وئردي. بوتون كئنديده يايلميشدي بير سورگون گئليب اوزده رسامدي آدمين اوزون چئكير اوزوده دوز اوزون. آرودلار دسته دسته بهانيله گليب اونو گوز آلتي باخيب گئديرديلر.اوشاقلاردا مدرسه يه يولانيرديلار رسيم كلاسيندا معلليم اوشاقلاردان ايستدي بير رسيم چكه لر اوشاق ميدانداكي اوغلان چئكن رسيمي معلليم وئردي معلليمين گوزو رسيمه ساتاش ماق هامان سوروشدو بو بيزمي اوستادميزين رسيميدي بونو هاردان آلميسان؟ اوشاقلار دئديلر كنديندن ميدانيندا كي كيشي كوله لي كيشي... معلليم كيلاسي بوشلايب قاچا قاچا كندين ميدانينا يئتشدي گوردو كئند جماتي ميدانين وسطينده بير شئي هالايلايبلار ياخينلاشدي گوردو كندين ميدانين اورتاسيندا بيريئكه قوشون هيكلي تيكليب باتيا باخير آغيزندا بيرسينيق فعله لاپاقاسي آلتيندا يازيليب تونا ...
تونا: دئيرلر بير قوشون آديدي وطنيندن كوسسه بيرده قايتماز.

[bayat]

روحی تونانی بیرینجی دؤنه شیرازدا دویدوم. بو قونویا «شیراز سفرنامه‌سی» باشلیقلی یازی‌دا توخونموشام. اورادا دوکتور منوچهر کیانی نین ائوینده – باشقا تعبیر ایله قاشقای کولتور موزئیینده- قاشقای کولتورونه باغلی اولان بوللو نسنه‌لرین یانیندا،
بیر هئیکل ده وارایدی.
او هئیکلی روحی تونا جانلاندیرمیشدی. او هئیکل ائلخان بابانین هیئکلی‌ایدی: صولت الدوله قشقایی، قاشقایین سون ائلخانی روحی تونانین اللرینده جانلانمیشدی. باش اه‌یدیم او هئیکله.
**
ایکینجی دؤنه یئنه روحی تونانی گؤردوم. هئیکل‌لر شهرینده، کریم چایچی گؤیلره باخیب قوشباز اولموشدو. اما بیز هامی‌میز یئرلره تیکیلن هئیکل‌لره باخیردیق. اونلاری روحا تونا یاپماسا دا اونون اللری ین ایزی گؤرونوردو، اؤزلجه هئیکل‌لرین آته‌یینده یازیلان تورکجه‌لر...
**
روحی تونانی سؤزون سؤزونده گؤرورم ایندی.
قوشباز اوغلان او کوسگون قوشو هانسی گؤیدن چاغیریب بو صحیفه‌ده توزاغا سالمیشدی.
سحر ناماز چاغی بورادان سنی سلاملاییرام
روحی!
تونا!
من ده دئین دئمه‌ین بیر آز وطنیمدن کوسموش کیمی‌یم.

[anarbinevli]

salam qardash oxudum.qonu yeni qonuydu gozeliydi sevindim yasha sene ugurlar

[hurulər]

Bu yazı,öykü hocalarim riza kazimi , şərif mərdi və özəlliklə qadir cəfəri cənablarına sunulur.

يورغانين آلتی چوخ ايستييدی، قيچيملا اوچ دفه ده اونو اوستومدن قيراغا آتديم. قان¬-ترين ايچينده¬يديم.آرتيق چارداغين ايکينجی قاتی چوخ قيزميشدی. بيرينجی قاتيندا، بوقان¬لا داييم ياتيردی،سورونه -سورونه اؤزمو ایکی قاریج هوندورلویو اولان پنجره¬يه یئتیردیم. بالیشیمی قوللاریمین آلتینا آلاراق، پنجره¬نی آچديم.هاوانین آلاقارانلیغیندا،یاغیشلی سرین کولک اسیمی آستاجا ایچری سوزوب، بورون پره¬لریمی¬ قیدیقلایاراق، تورپاق قوخوسونو منه بیلدیردی.بونونلا دا،اورگیم سرینله¬یه¬رک، یاغیشین تزه باشلادیغینی دوشوندوم. ياغيش داملاراری اؤزونو شيدتله دونن بورا گلندن، گوردويوم قيز بزکلی قوش قووانين باشينا ائله برکدن چیرپیردیغیندان،نسه اونونلولا قاباقدان دوشمنللیی اولدوغونو دوشونودوم. بلکه ده قوشلارین قارغیشی اونو توتموشدو. هرحالدا دیقتیمی اؤزونه چکن قيز قوش¬قووان منی راحات بوراخمیردیسادا، آشاغیدان گلن قاپی سسی فیکیر خطیمی قیرا بیلدی. بو شیدیرغیلاشان یاغیشین آلتینا ، پئنجه¬یینی باشینا چکیب¬ الینده¬کی فانیسلا چارداقدان ائشییه چیخان، بوقان¬دان باشقا کیمسه دئییلدی.آیاغینی حیطده کولک¬له اوینایان آفتابانين بوغازينا سالاراق، بير آتيش¬دا باشماغينی دا آفتابایلا بیرگه حوضه شوتله¬دی. « ايچينه زهر قاتيم »، دئدی. سونرا خیی وورا-وورا،اؤزونو حوضه یئتیرمک ایسته¬دی، آنجاق سس سالماسین دئیه بو فیکیردن چکیندی. آخسیيا- آخسييا اؤزونو حوضه يئتيریب، ساغ قولون چيرمالاييب،باشماغینی گؤتوردوکدن سونرا سول الينن آفتابانين باشينا باسيب، آفتابانی خورخا _خورونان دولدوردو. یقین بونو آفتابا سس سالماسین دئیه ائله¬دی. ياغيش یاواشیمیشدی. جوم –جولوق سوایچینده ،اؤزونو نردیبانا یئتیردی. اوستو-باشی زیغلی بوقان، زویویه-زویویه قانانین اوستونه چيخدی. الینی قوش¬قووانين آياغيندان اوسته آپاردیب،اونو قوجاقلایيب اوپمه¬يه باشلادی، قوش¬قووانين چادراسينی چيخارديب، سونرا چارقاتيندا آچدی. لیی شالوارينی چيخاردیب، قوشقووانی يئردن اوزوب، اوندان برابر هئرله¬نه-هئرله¬نه قانانين او اوزونه آشديلار. چارداقين هاواسی سويوماقدایدی.آما ايستی بير تر ايچينده بوغولوردوم.آرتیق قاش قارالميشدی.بوقان بير چامور آدام¬ کيمی زيپين چکه-چکه چارداقا گليردی.تئز باشيمی پنجره¬نين قاباغيندان اوغورلادیم.
سحر صوبحانه یئدیکده، داییم« آی آرواد، گئجه ياغيش دا بیزیم بو قیز قوش¬قووانيميزا تاماه ساليب »، دئدی.« ائوده کوهنه پالتار وارسا، وئر اوغلان بیر قوش¬قووان دوزلديم.»